Un dividendo é a parte das ganancias dunha empresa que se distribúe entre os seus accionistas como recompensa polo seu investimento. A xunta directiva adoita aprobar os dividendos, en función da rendibilidade e estratexia financeira da compañía.
Características do dividendo
· Pode pagarse en efectivo, en forma de accións tradicionais ou, nalgúns casos, mediante outros activos.
· Repartilos non é obrigatorio, depende da política da empresa e do seu desempeño financeiro.
· Calcúlase co número de accións que ten cada investidor: os que teñen máis, reciben unha maior proporción.
Tipos de dividendos
· Dividendos ordinarios: repártense de maneira periódica (trimestral, semestral ou anual) cando a empresa obtén beneficios.
· Dividendos extraordinarios: danse en situacións especiais, cando a empresa ten ganancias excepcionais que decide compartir cos seus accionistas.
· Dividendos en accións: en vez de cartos, os accionistas reciben máis accións da empresa e aumentan a súa participación na compañía.
O pagamento de dividendos pode influír na percepción dos investidores sobre a solidez da empresa e a súa rendibilidade a longo prazo. Algunhas compañías prefiren non distribuír dividendos e reinvestir os seus beneficios para fomentar o crecemento do negocio.
Fontes:
https://dle.rae.es/dividendo
